Feuerwehr

Füürweer
Füürweer im Iisatz
internationali Notdelifonnummere
Eurodelifonnummere	112
nazionaali Delifonnummere für d Füürweer
Brasilie	193
Dütschland	112
Frankriich	18
Griecheland	199
Italie	115
Liechtestäi	118
Luxeburg	112
Östriich	122
Schwiz	118
Schbanie	085
USA	911

D Füürweer isch e Hilfsorganisazioon, wo bi Notfäll und Kataschtroofe tuet hälfe.

Iri wichtigschten ufgoobe sind, bi Bränd, Umfäll, Schtüürm, Überschwemmige und äänligen Ereigniss Hilf z läiste, das bedüütet: Mensche, Dier und Sachwärt z rette und z schütze.

Füürweere het’s scho i de antike Stedt gha.

Wil in de letzte Joorzäänt d Zaal vo de Bränd teils zrugggange isch, übernimmt d Füürweer immer mee Ufgoobe, wo über die tradizionelli Brandbekämpfig uusegönge. Die nöije Ufgoobe und d Struktuure vo dr Füürweer si regionaal seer underschiidlig; so cha au d Verhinderig vo Umwältschääde e Füürweeriisatz uslööse.

In Öiropa isch für alli 27 Mitgliidsstaate vo dr Öiropäische Unioon im Dezämber 2008 mit em Euronotruef 112 en äihäitligi Delifonnummere für Bolizei, Rettigsdienst und Füürweer iigrichdet worde.^[1], jeedes Land entschäidet sälber, weeli Organisazioon (z. B.: Bolizei, Rettigsdient, Füürweer) s Delifon as ersti abnimmt.^[2]

• 
  Vill Füürweerhüüsr händ an Turm, so wie do z Schwenninge
• 
  e Deil vo der Füürweer vo Heidelbärg
• 
  d Flughafefüürweer vo Züri
• 
  e Füürlöschzuug vo de SBB am Gämfersee
• 
  Dütsch-französischs Füürweerübongsschiff und e Löschboot

1. ↑ Europäische Kommission - Informationsgesellschaft Die öiropäischi Notfallnummere – 112
2. ↑ Archivierte Kopie. Archiviert vom Original am 25. Januar 2012; abgruefen am 2. Februar 2012.  Bundesministerium des Inneren - Bevölkerungsschutz